Home » உணவு உற்பத்திக்காக வீட்டுத் தோட்டங்களை மையப்படுத்திய ஆயிரக்கணக்கான கிராமங்களை உருவாக்க அரசாங்கம் திட்டம்

உணவு உற்பத்திக்காக வீட்டுத் தோட்டங்களை மையப்படுத்திய ஆயிரக்கணக்கான கிராமங்களை உருவாக்க அரசாங்கம் திட்டம்

Source
Share Button

தட்டுப்பாடு நிலவும் உணவுப் பொருட்களை உள்நாட்டில் உற்பத்தி செய்வதற்காக வீட்டுத் தோட்டச் செய்கையை மேற்கொள்ளும் ஆயிரக்கணக்கான கிராமங்களை உருவாக்குவதற்கு அரசாங்கம் திட்டமிட்டுள்ளது. கிராம உத்தியோகத்தர் மற்றும் உள்ளுராட்சி மன்றங்கள் ஊடாக இது நடைமுறைப்படுத்தப்படுமென்று அமைச்சர் தினேஷ் குணவர்த்தன தெரிவித்தார். தற்போதைய சந்தர்ப்பத்தில் உள்ளுர் உற்பத்தியை அதிகரிக்க வேண்டும். கிராம உத்தியோகத்தர்கள், விவசாய அதிகாரிகள், பொருளாதார அபிவிருத்தி அதிகாரிகள் மற்றும் மக்கள் பிரதிநிதிகளும் இந்த வேலைத்திட்டத்தில் பங்கேற்க வேண்டும்.

விவசாயிகளுக்கு உரம் கிடைப்பதைத் தடுக்கும் வகையில் சிலர் செயற்படுவதாக அமைச்சர் மஹிந்த அமரவீர குற்றஞ்சாட்டியுள்ளார். பெரும்போக பயிர்ச் செய்கைக்குத் தேவையான உரத்தைக் கொள்வனவு செய்வதற்கு 110 மில்லியன் டொலர்கள் தேவை என்றும் அமைச்சர் குறிப்பிட்டார்.

இதேவேளை, மருந்துத் தட்டுப்பாட்டிற்கு ஆகஸ்ட் மாதத்தை அண்மிக்கும் போது தீர்வு வழங்குவதாக சுகாதார அமைச்சர் கெஹலிய ரம்புக்வெல்ல உறுதியளித்;துள்ளார். சீனா மற்றும் ஜப்பான் வழங்கும் உதவிகளுக்கு மேலதிகமாக உலக வங்கி, ஆசிய அபிவிருத்தி வங்கி உள்ளிட்ட மேலும் சில நாடுகளிடமிருந்து மருந்து கொள்வனவிற்காக 400 மில்லியன் டொலர் கிடைத்துள்ளதென சுகாதார அமைச்சர் கூறினார்.

Share Button
Source

Leave a Comment


To prove you're a person (not a spam script), type the security word shown in the picture.
You can enter the Tamil word
Anti-Spam Image