தேவையற்ற வகையில் உணவுப்பொருட்களைக் கொள்வனவு செய்து சேகரித்து வைப்பதைத் தவிர்த்துக் கொள்ளுமாறு அமைச்சர் மஹிந்த அமரவீர மக்களைக் கேட்டுக் கொண்டார். தேவையான நெல் நாட்டில் உண்டு. இம்முறை போகத்தின் ஆரம்பத்தில் நெல் உற்பத்தி 2 இலட்சத்து 70 ஆயிரம் ஹெக்டயரில் மேற்கொள்ளப்பட்டது. உற்பத்தி தொடர்பில் மக்களை அரசாங்கம் வலியுறுத்தியத்திற்கு அமைவாக இந்த உற்பத்திக்கான காணி தற்போது 4 இலட்சத்து 70 ஹெக்டயராக அதிகரித்துள்ளது. உரத்தை இலவசமாக வழங்கிய காலப்பகுதியிலும் பார்க்க இது அதிகரித்த உற்பத்தியாகும். ஆகவே அரிசி தட்டுப்பாடோ, உணவுத் தட்டுப்பாடோ நாட்டில் ஏற்படாது என்றும் அமைச்சர் குறிப்பிட்டார்.