இலங்கைக் கடற்பரப்புக்குள் அத்துமீறிய இந்திய மீனவர்கள் 11 பேருக்கு2 வருடங்கள் சிறைத்தண்டனை
இலங்கைக் கடற்பரப்புக்குள் அத்துமீறி மீன்பிடித்தனர் என்ற குற்றச்சாட்டில் கைதான இந்திய மீனவர்கள் 11 பேருக்கு ஊர்காவற்றுறை நீதிவான் நீதிமன்றம் 2 வருடங்கள் சிறைத்தண்டனை விதித்து தீர்ப்பளித்துள்ளது.
நெடுந்தீவுக் கடற்பரப்புக்குள் எல்லை தாண்டிய வேளை கடந்த ஒக்டோபர் மாதம் 9 ஆம் திகதியன்று கைது செய்யப்பட்டு விளக்கமறியலில் வைக்கப்பட்டிருந்த 15 இந்திய மீனவர்களில் 11 பேருக்கே 2 வருடங்கள் சிறைத்தண்டணை விதிக்கப்பட்டுள்ளது.
இலங்கைக் கடற்பரப்புக்குள் ஏற்கனவே எல்லை தாண்டி மீன்பிடியில் ஈடுபட்ட சமயம் நிபந்தனைகளுடன் விடுவிக்கப்பட்டபோதும் 10 மீனவர்கள் இரண்டாவது தடவையும் எல்லை தாண்டிய குற்றத்துக்காகவும், படகு உரிமையாளர் ஒருவருமாகவே 11 பேருக்கும் 2 வருடங்கள் சிறைத்தண்டணை விதித்து இன்று தீர்ப்பளிக்கப்பட்டுள்ளது.
எஞ்சிய நால்வரும் 5 ஆண்டுகளுக்கு ஒத்திவைக்கப்பட்ட ஓராண்டு சிறைத்தண்டணையுடன் விடுவிக்கப்பட்டனர்.
