காலஞ்சென்ற கலபொட ஞானிஸ்ஸர தேரரின் இறுதிக் கிரியைகள் இன்று.
ஹுனுப்பிட்டிய கங்காராம மஹா விஹாரையின் விஹாராதிபதி கலபொட ஞானிஸ்ஸர தேரரின் இறுதிக் கிரியைகள் இன்று இடம்பெறவுள்ளது.
சங்கைக்குரிய கலபொட ஞானிஸ்ஸர தேரரின் இறுதிக் கிரியைகளை முன்னிட்டு இன்று கொழும்பு கொம்பனித்தெரு பொலிஸ் பிரிவில் விசேட வாகன போக்குவரத்து ஏற்பாடு அமுலுக்கு வருகிறது.
இதன் பிரகாரம் பிற்பகல் 2 மணி தொடக்கம் இரவு 8 மணி வரை ஜேம்ஸ் பீரிஸ் மாவத்தை சந்தியில் இருந்து தர்மபால மாவத்தைக்குள் வாகனங்கள் பிரவேசிப்பது மட்டுப்படுத்தப்படும்.
பெரஹர சந்தியிலிருந்து கொம்பனித்தெரு வீதி நோக்கி வாகனங்கள் பயணிக்க அனுமதிக்கப்பட மாட்டாது.
முத்தையா வீதியில் இருந்து கொம்பனி வீதி சந்தியின் திசையில் மாத்திரம் ஜேம்ஸ் பீரிஸ் மாவத்தையில் வாகனங்கள் பிரவேசிக்க அனுமதிக்கப்படும் என பொலிஸ் தலைமையகம் அறிவித்துள்ளது.
