சர்வதேச தேர்தல் கண்காணிப்பாளர்கள் – தேர்தல் திணைக்கள அதிகாரிகள் சந்திப்பு.

ஜனாதிபதித் தேர்தலுக்கான வாக்குப் பெட்டிகள் தெரிவத்தாட்சி அதிகாரிகளிடம் விநியோகிக்கப்பட்டிருப்பதாக தேர்தல் திணைக்களம் அறிவித்துள்ளது.

அவை எதிர்வரும் வெள்ளிக்கிழமை வாக்களிப்பு நிலையங்களுக்கு கொண்டு செல்லப்படும் என்று தேர்தல் திணைக்களம் அறிவித்துள்ளது.

இதேவேளை, ஜனாதிபதித் தேர்தலில் கண்காணிப்பு பணிகளில் ஈடுபடுவதற்காக நாட்டிற்கு வருகை தந்திருக்கும் வெளிநாடுகளைச் சேர்ந்த கண்காணிப்பாளர்கள் தேர்தல் ஆணைக்குழுவின் அதிகாரிகளைச் சந்தித்துள்ளனர்.

இந்தச் சந்திப்பில் 26 கண்காணிப்பாளர்கள் பங்கேற்றதாக தேர்தல் திணைக்களத்தின் மேலதிக ஆணையாளர் எஸ்.அச்சுதன் தெரிவித்துள்ளார்.