சுற்றுலா இந்திய ஏள இலங்கை அணி: இரண்டாவது ஒருநாள் கிரிக்கெட் போட்டி இன்று கொழும்பபில்

சுற்றுலா இந்திய அணிக்கும் இலங்கை அணிக்கும் இடையிலான இரண்டாவது ஒருநாள் சர்வதேச கிரிக்கெட் போட்டி இன்று கொழும்பு கெத்தாராம சர்வதேச கிரிக்கெட் மைதானத்தில் நடைபெறவுள்ளது.

இந்தப் போட்டி இலங்கையை அணியை பொறுத்தமட்டில் முக்கியத்துவம் பெறுகிறது. ஏற்கனவே இடம்பெற்ற ரி-ருவென்டி போட்டிகளில் வெற்றி பெறும் வாய்ப்புக்களை பெற்றும் அதனை நழுவ விட்ட இலங்கை அணிக்கு, இந்திய அணியுடனான முதலாவது ஒருநாள் சர்வதேச கிரிக்கெட் போட்டி ஒரு உந்துசக்தியாக அமைந்திருந்தது.

ஓரணியாக செயற்பட்டு சிறந்த பெறுபேறை பெற்றது. இது ஒரு சிறந்த ஆரம்பமாகும். அந்த ஆரம்பத்தை அடிப்படையாகக் கொண்டு, இன்றைய போட்டியில் இலங்கை அணி மேலும் சிறப்பாக விளையாடும் என எதிர்பார்க்கப்படுகிறது.

முதலாது ஒருநாள் சர்வதேச போட்டி விறுவிறுப்பாக இடம்பெற்றமை ரசிகர்கள் மத்தியில் வரவேற்பை பெற்றுள்ளது. பகலிரவு போட்டியாக இடம்பெறும் இன்றைய போட்டி பிற்பகல் 2.30இற்கு ஆரம்பமாகும்.