நாட்டின் பெரும்பாலான பகுதிகளில் இன்று மாலையில் மழை பெய்யும் சாத்தியம்

மேல், சப்ரகமுவ, தென், ஊவா, மத்திய, வடமத்திய, வடமேல் மாகாணங்களிலும், மன்னார் மாவட்டத்திலும் இன்று மாலை வேளையில் அல்லது இரவு நேரத்தில் இடியுடன் கூடிய மழை பெய்யும் சாத்தியம் காணப்படவதாக வளிமண்டலவியல் திணைக்களம் அறிவித்துள்ளது. இந்தப் பிரதேசங்களின் சில இடங்களில் 50 மில்லிமீற்றருக்கும் அதிகமான மழை பெய்யலாம். தென் மாகாணத்தின் கரையோரப் பிரதேசங்களில் காலை வேளையில் மழையுடன் கூடிய காலநிலை நிலவும் என்று திணைக்களம் வெளியிட்டுள்ள அறிக்கையில் குறிப்பிடப்பட்டுள்ளது.