பதுக்கி வைக்கப்பட்டிருந்த டீசல் விசேட அதிரடிப்படையினரால் மீட்பு.
சட்டவிரோதமாக பதுக்கி வைக்கப்பட்டிருந்த ஆயிரத்து 225 லீற்றர் டீசல் விசேட அதிரடிப்படையினரால் கைப்பற்றப்பட்டுள்ளது.
லென்பிந்துனுவெவ – மீகஸ்வெவ பிரதேசத்தில் மேற்கொள்ளப்பட்ட சுற்றிவளைப்பின் போதே இவை கண்டுபிடிக்கப்பட்டுள்ளன. சம்பவம் தொடர்பில் ஒருவர் கைது செய்யப்பட்டுள்ளார்.
இதேவேளை, கடுவெல மற்றும் தலைமன்னார் பகுதியில் கேரள கஞ்சாவை வைத்திருந்த இருவர் கைது செய்யப்பட்டுள்ளனர். அவர்களிடம் இருந்து 12 கிலோ கேரள கஞ்சா மீட்கப்பட்டுள்ளது.
இதேவேளை, இரத்தினபுரி தெனியாவத்தை சந்திக்கு அருகில் மேற்கொள்ளப்பட்ட சுற்றிவளைப்பின் போது போதைப்பொருள் கடத்தலில் ஈடுபட்ட நபர் ஒருவர் கைது செய்யப்பட்டதாக படையினர் தெரிவித்துள்ளனர்.
அவரிடமிருந்த போதைப்பொருளும், இரண்டு கையடக்கத் தொலைபேசிகளும், 93 ஆயிரம் ரூபா பணமும் படையினரால் கைப்பற்றப்பட்டுள்ளன.
