ரி-20 மகளிர் உலகக் கிண்ணக் கிரிக்கெட் போட்டி இன்று
மகளிர் ரி-20 உலகக் கிண்ணக் கிரிக்கெட் போட்டி இன்று ஐக்கிய அரபு இராச்சியத்தில் ஆரம்பமாகின்றது. போட்டி எதிர்வரும் 20ஆம் திகதி வரை டுபாய் மற்றும் ஷார்ஜா மைதானங்களில் நடைபெறவுள்ளன. இலங்கை மகளிர் அணி தமது முதல் போட்டியில் பாகிஸ்தான் மகளிர் அணியை சந்திக்கின்றது.
எதிர்வரும் சனிக்கிழமை அவுஸ்திரேலியாவுக்கு எதிராகவும், 12ஆம் திகதி நியூசிலாந்து அணிக்கு எதிரான போட்டியிலும் இலங்கை அணி பங்கேற்க உள்ளது. இலங்கை மற்றும் இந்திய அணிகளுக்கு இடையிலான போட்டி எதிர்வரும் 9ஆம் திகதி நடைபெறவுள்ளது.
இலங்கை மற்றும் நியூசிலாந்து அணிகளுக்கு இடையிலான போட்டி மாத்திரம் பகல் போட்டியாக நடைபெறவுள்ள நிலையில், ஏனைய அனைத்துப் போட்டிகளும் பகல் இரவுப் போட்டிகளாக இடம்பெறவுள்ளன.
