இந்தியா மற்றும் பங்களாதேஷ் வெள்ளத்தில் 30 பேர் பலி.
இந்தியா மற்றும் பங்களாதேஷ் வடகிழக்கு பகுதியில் பெய்த கனமழையால் ஏற்பட்ட வெள்ளப்பெருக்கு காரணமாக 30 பேர் உயிரிழந்துள்ளதாக இந்திய செய்திகள் தெரிவிக்கின்றன.
பங்களாதேஷில் சுமார் நான்கரை மில்லியன் மக்கள் இடம்பெயர்ந்துள்ளனர். பங்களாதேஷில் பாதுகாப்பற்ற பகுதிகளில் இருந்து சுமார் இரண்டு லட்சம் பேர் வெளியேற்றப்பட்டுள்ளனர்.
இந்தியாவின் திரிபுர பகுதியில் சுமார் 64 ஆயிரம் பேர் முகாம்களில் தங்க வைக்கப்பட்டுள்ளனர். மோசமான வானிலை காரணமாக இந்தியாவின் புனேவில் ஹெலிகொப்டர் ஒன்று விபத்துக்குள்ளானது.
அதிலிருந்த நான்கு பயணிகள் பாதுகாப்பாக மீட்கப்பட்டனர். இதேவேளை, நேபாளத்தில் இடம்பெற்ற பஸ் விபத்தில் 27 இந்தியர்கள் உயிரிழந்துள்ளதாக தகவல் வெளியாகியுள்ளது. இவர்கள் யாத்திரையில் ஈடுபட்டிருந்தவர்கள் என தெரியவந்துள்ளது.
