தேயிலை ஏற்றுமதி அபிவிருத்திக்கு சவுதி அரேபியா ஒத்துழைப்பு
இலங்கைக்கான சவுதி தூதுவர் கலி;த் ஹமத் நஸார் அல் தசம் அல் கத்தானி இன்று ஜனாதிபதி அநுரகுமார திசாநாயக்கவை சந்தித்துள்ளார்.
இந்த சந்திப்பு இன்று ஜனாதிபதி அலுவலகத்தில் இடம்பெற்றது. ஜனாதிபதி தேர்தலில் திரு.அனுரகுமார திசாநாயக்க பெற்ற வெற்றி தொடர்பில் தமது நாட்டு மன்னரின் வாழ்த்துக்களை தூதுவர் கூறினார்.
இன்றைய சந்திப்பில் பிராந்தியத்தில் சமகால நிலவரம் பற்றியும், இலங்கை – சவுதி அரேபிய இருதரப்பு உறவுகள் மற்றும் ஒத்துழைப்பு பற்றியும் பேசப்பட்டது.
இலங்கை நீண்டகாலமாக வழங்கி வரும் ஒத்துழைப்பை சவுதி தூதுவர் வரவேற்றுப் பேசினார். சவுதி அரேபியாவுக்கான தேயிலை ஏற்றுமதியை அதிகரிப்பது பற்றியும் இரு தரப்பினரும் பேச்சுவார்த்தை நடத்தினார்கள்.
